काठमाडौं । पाँचथर– काठमाडौं सम्पर्क मञ्चले शनिवार आयोजना गरेको अन्तरपालिका मैत्रीपूर्ण फुट्सल प्रतियोगिताको उपाधि फिदिम ‘ए’ ले हात पारेको छ । काठमाडौं स्थित धन्वन्तरी स्पोट्स हवमा आयोजना गरिएको उक्त प्रतियोगितामा फिदिम ‘ए’ ले याङवरक ‘बी’ सँग ४–१ गोल अन्तरले जित निकालेको हो ।

जिल्लाका सबै पालिकाका ए र बी टीम गरि १५ टिमले उक्त प्रतियोगितामा भाग लिएका थिए । त्यस्तै आयोजक पाँचथर–काठमाडौं सम्पर्क मञ्च र अतिथिबीच समेत मैत्रिपूर्ण प्रतियागिता सम्पन्न भएको मञ्चका अध्यक्ष दिनेश खतिवडाले जानकारी दिए ।

प्रतियोगितामा सर्वाधिक गोल कर्ता फिदिमका युगल तुम्बापो (ए) भए उनले नगद रु २ हजार, मेडल र ट्रफि प्राप्त गरे । त्यस्तै, उत्कृष्ट खेलाडि फिदिमकै युगल तुम्बापो (बी) भए उनले पनि नगद रु २ हजार, मेडल र ट्रफि प्राप्त गरे त्यसैगरि उत्कृष्ट गोलकिपर फिदिमकै बिक्रम तुम्बापो भए उनले पनि नगद रु २ हजार, ट्रफि र मेडल प्राप्त गरे ।

कार्यक्रममा नेकपा (एमाले) केन्द्रीय सदस्य तथा पूर्व राज्यमन्त्री डम्बसिंह सम्बाहाम्फे, एमाले केन्द्रीय निर्वाचन आयोगका सदस्य कृष्ण आङ्देम्बे, एमाले कोशी प्रदेश कमिटी सदस्य आशारन्त जबेगूको उपस्थितिमा प्रतियोगिता सम्पन्न भएको थियो ।